మహబూబ్ నగర్ పేరు చెడగొడుతున్న రేవంత్ రెడ్డి..!

ముఖ్యమంత్రి అనుముల రేవంత్ రెడ్డికి మాజీ ముఖ్యమంత్రి.. బీఆర్ఎస్ అధినేత కేసీఆర్ భయం పట్టుకుందని మాజీ మంత్రి తన్నీరు హారీష్ రావు అన్నారు. ఈరోజు బుధవారం పాలమూరులోని కురుమూర్తి జాతరలో పాల్గోన్న మాజీ మంత్రి హారీష్ ప్రత్యేక పూజలు నిర్వహించారు. అనంతరం జరిగిన మీడియా సమావేశంలో హారీష్ రావు మాట్లాడుతూ ” పాలకులు తప్పు చేస్తే రాష్ట్రానికి అరిష్టం జరుగుతుంది.

రాష్ట్రంలో ఉన్న నలబై రెండూ లక్షల మంది రైతులకు రెండు లక్షల రూపాయల రుణమాఫీ చేస్తామని చెప్పారు. కానీ ఇరవై రెండు లక్షల మంది రైతులకు మాత్రమే చేసి మాట తప్పారు. మహిళలకు నెలకు రెండున్నర వేలు ఇస్తామని మాట తప్పారు. రైతుభరోసా కింద రైతులకు పదిహేను వేలు.. రైతుకూలీలకు పన్నెండు వేలిస్తామని మాట తప్పారు.

ఇచ్చిన ప్రతి మాటను నెరవేర్చిన ముఖ్యమంత్రి కేసీఆర్.. ఇచ్చిన ప్రతి మాటను తప్పిన ముఖ్యమంత్రి రేవంత్ రెడ్డి. కేసీఆర్ కు రేవంత్ రెడ్డికి చాలా తేడా ఉంది. రైతు డిక్లరేషన్ తో రైతులను మోసం చేశారు. రేవంత్ రెడ్డి వచ్చాక రైతుబంధు ఎత్తేశారు. పాలమూరు పేరును చెడగొడుతున్న నాయకుడు రేవంత్ రెడ్డి అని ఆయన ఆరోపించారు.