కేటీఆర్ ఒక వ్యక్తి కాదు శక్తి : మాజీ మంత్రి హరీశ్ రావు

సింగిడిన్యూస్, వెబ్ డెస్క్ : తెలంగాణ రాష్ట్ర ముఖ్యమంత్రి రేవంత్ రెడ్డి తన చేతగానితనాన్ని కప్పిపుచ్చుకోవడానికి మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్ పై కక్ష సాధింపు చర్యలకు పాల్పడుతున్నారని మాజీ మంత్రి , బీఆర్ఎస్ సీనియర్ ఎమ్మెల్యే తన్నీరు హరీశ్ రావు అన్నారు.

ఏసీబీ విచారణ అనంతరం తెలంగాణ భవన్ కు వచ్చిన మాజీ మంత్రి కేటీఆర్ తో కల్సి నిర్వహించిన మీడియా సమావేశంలో మాజీ మంత్రి తన్నీరు హరీశ్ రావు మాట్లాడుతూ ” రేవంత్ పాలనలో తుమ్మినా, దగ్గినా కేసులు పెడుతున్నారని” ఆయన సెటైర్లు వేశారు.

ఎన్ని అక్రమ కేసులు పెట్టినా కేటీఆర్ ఒక వ్యక్తి కాదు , శక్తి అని అభివర్ణించారు. లక్షలాది మంది బీఆర్ఎస్ కార్యకర్తలు ఆయనకు అండగా ఉన్నారని, కేటీఆర్ ను ముట్టుకుంటే భస్మం అయిపోతారని ఆయన హెచ్చరించారు.