రేవంత్ రెడ్డికి హారీష్ రావు అదిరిపోయే కౌంటర్

ముఖ్యమంత్రి రేవంత్ రెడ్డికి మాజీ మంత్రి తన్నీరు హారీష్ రావు అసెంబ్లీలో అదిరిపోయే కౌంటర్ ఇచ్చారు. ముఖ్యమంత్రి రేవంత్ రెడ్డి మాట్లాడుతూ” వంద రూపాయలను పెట్టి పెట్రోల్ కొనుక్కోన్నాము కానీ రూపాయి పెట్టి అగ్గిపెట్టె కొనుక్కోలేకపోయాము అని ” వ్యంగ్యంగా వ్యాఖ్యానించారు.

దీనికి కౌంటరు గా మాజీ మంత్రి తన్నీరు హారీష్ రావు మాట్లాడుతూ” ఉద్యమ స్ఫూర్తితో ప్రాణాలకు తెగించి స్వరాష్ట్రం కోసం కొట్లాడినము.. మా అధినేత కేసీఆర్ ఆదేశాల మేరకు రెండు సార్లు ఎమెల్యే.. పదవులకు రాజీనామా చేసినము.. మీలాగా పారిపోలేదు.. మీలాగా పదవులకోసం.. అధికారం కోసం పాకులాడలేదు.. కాంగ్రెస్ పార్టీలో లేనప్పుడు రాహుల్ గాంధీని పప్పు అన్నారు.. సోనియా గాంధీని దెయ్యం అన్నారు..

తీరా కాంగ్రెస్ పార్టీలో చేరాక రాహుల్ గాంధీని పీఎం అంటున్నారు.. సోనియా గాంధీని దేవత అంటున్నారు.. ఎవరూ రాజకీయ అవకాశావాదులో ప్రజలంతా గమనిస్తున్నారు. మీరు మీ మంత్రి వర్గం అంతా ఢిల్లీలో దీక్షకు కూర్చోండి.. మా పార్టీ తరపున లక్షల మంది మీ చుట్టూ కూర్చుంటాము.. కేంద్రం మెడలు వంచుదాం.. తెలంగాణకు రావాల్సిన నిధుల కోసం హక్కుల కోసం కొట్లాడుదాం.. అప్పుడైన ఎప్పుడైన తెలంగాణకోసం కోట్లాడే పార్టీ బీఆర్ఎస్ పార్టీ అని సంగతి ముఖ్యమంత్రి రేవంత్ రెడ్డి గుర్తుంచుకోవాలని అదిరిపోయే కౌంటర్ ఇచ్చారు.