జగన్ ను మెచ్చుకున్న పవన్ కళ్యాణ్

డిప్యూటీ సీఎం.. జనసేన అధినేత పవన్ కళ్యాణ్ మాజీ ముఖ్యమంత్రి.. వైసీపీ అధినేత వైఎస్ జగన్మోహాన్ రెడ్డిని మెచ్చుకున్నారు. గత ఐదేండ్ల వైసీపీ ప్రభుత్వ పాలనపై ప్రశంసల వర్షం కురిపించారు అని వైసీపీ పార్టీ తమ అధికారక ట్విట్టర్ హ్యాండిల్ లో ఓ వీడియోను పోస్టు చేసింది.

ఓ ప్రభుత్వ స్కూల్ ను సందర్శించిన డిప్యూటీ సీఎం పవన్ కళ్యాణ్ మాట్లాడుతూ ” కార్పోరేట్ స్కూళ్ల కంటే ప్రభుత్వ స్కూళ్లు ఇప్పుడు బాగున్నాయి. ఈ బల్లాలు బాగున్నాయి. భవనాలు బాగున్నాయి అని విద్యార్థులతో పవన్ కళ్యాణ్ అన్నారు..

ఆ వీడియోను ట్విట్టర్ లో వైసీపీ పోస్టు చేస్తూ ” జగన్ పాలనలో నాడు నేడు తో రాష్ట్ర వ్యాప్తంగా సర్కారు బడుల రూపురేఖలు మారిపోయాయి. మారిన స్కూళ్లను చూసి పవన్ కళ్యాణ్ అబ్బురపడ్డారు. జగన్ కు మంచి పేరు వస్తుందని గత ఐదు నెలలుగా సర్కారు బడులను ఆగం పట్టించే పనిలో చంద్రబాబు ఉన్నారని ఆరోపించింది.