కాళేశ్వరం అంటే మేడిగడ్డ ఒక్కటే కాదు :- మాజీ మంత్రి హరీశ్ రావు

సింగిడిన్యూస్, వెబ్ డెస్క్ :- ముఖ్యమంత్రి రేవంత్ రెడ్డి మాట్లాడుతూ ‘కాళేశ్వరం ప్రాజెక్టు కూలిపోయింది. మేడిగడ్డలో రెండు ఫిల్లర్లు కూలిపోయాయి. అది కాళేశ్వరం కాదు కూలేశ్వరం అని ” ఆరోపించిన సంగతి తెల్సిందే . సీఎం రేవంత్ రెడ్డి వ్యాఖ్యలపై మాజీ మంత్రి తన్నీరు హరీశ్ రావు కౌంటరిచ్చారు.

తెలంగాణ భవన్ లో ఈరోజు శనివారం కాళేశ్వరం ప్రాజెక్టుపై దుష్ప్రచారం – వాస్తవాలు అనే అంశంపై మాజీ మంత్రి హరీష్ రావు పవర్ పాయింట్ ప్రెజెంటేషన్ ఇచ్చారు. ఈ సందర్భంగా హారీష్ రావు మాట్లాడుతూ ” సీఎం రేవంత్ రెడ్డి, మంత్రి ఉత్తమ్ కుమార్ రెడ్డిలు మాట్లాడుతూ కాళేశ్వరం కూలిపోయింది. మేడిగడ్డ దేనికి పనికి రాదంటూ”  విమర్శలు చేశారు. కానీ  ‘కాళేశ్వరం ప్రాజెక్టు అంటే ఒక్క మేడిగడ్డనే కాదు .

కాళేశ్వరం అంటే మొత్తం 3 బ్యారేజీలు, 15 రిజర్వాయర్లు,  19 సబ్‌ స్టేషన్లు, 21 పంప్‌ హౌజులు , 203 కిలోమీటర్ల సొరంగాలు,1531 కిలోమీటర్ల గ్రావిటీ కెనాల్స్‌, 98 కిలోమీటర్ల ప్రెజర్‌ మెయిన్స్‌, 141 టిఎంసీల స్టోరేజ్‌ కెపాసిటీ, 530 మీటర్ల ఎత్తుకు లిఫ్ట్‌, 240 టిఎంసీల నీటి వినియోగం అని”మాజీ మంత్రి, ఎమ్మెల్యే హరీష్ రావు పేర్కొన్నారు.