శరవేగంగా  కుటుంబ సర్వే కంప్యూటరీకరణ

తెలంగాణ రాష్ట్రంలో నిర్వహిస్తున్న సమగ్ర కుటుంబ సర్వే లో సేకరించిన సర్వే వివరాలను కంప్యూటరీకరణ బుధవారం నాటికి 71 శాతం పూర్తయింది.

ఈ సర్వే కేవలం నాలుగైదు జిల్లాలు మినహా అన్ని జిల్లాల్లో పూర్తవడంతో ఈ సర్వే వివరాలను డిజిటలైజ్ చేసే ప్రక్రియ జిల్లా కలెక్టర్ల నేతృత్వంలో ముమ్మరంగా కొనసాగుతున్నాయి. అన్ని జిల్లాల కన్నా సర్వే పూర్తి చేసి ముందుగా ఉన్న ములుగు జిల్లా సర్వే వివరాలను డిజిటలైస్ ను రికార్డు సమయంలో ఇప్పటికే 100 శాతం పూర్తి చేసింది.

కాగా, రాష్ట్రంలో కోటి 17 లక్షల 47 వేల ఇళ్లలో సమగ్ర కుటుంబ సర్వే నిర్వహించాల్సి ఉండగా, ఇప్పటివరకు కోటి 11 లక్షల 70 వేల ఇళ్లలో, అంటే 95 శాతం పూర్తిచేశారు.