లాయర్ అవతారమెత్తిన బీఆర్ఎస్ ఎమ్మెల్యే…?

ప్రతిపక్ష బీఆర్ఎస్ కు చెందిన అంబర్ పేట ఎమ్మెల్యే కాలేరు వెంకటేష్ లాయర్ అవతారమెత్తారు. ఏకంగా మాజీ మంత్రి.. బీఆర్ఎస్ వర్కింగ్ ప్రెసిడెంట్ కేటీఆర్ మంత్రి కొండా సురేఖపై పరువు నష్ట దావా కేసు వేసిన సంగతి తెల్సిందే. ఈ కేసు విచారణలో భాగంగా మాజీ మంత్రి కేటీఆర్, సాక్షులైన బీఆర్ఎస్ నేతలు దాసోజ్ శ్రవణ్, మాజీ మంత్రి సత్యవతి రాథోడ్, బాల్క సుమన్ నాంపల్లి కోర్టుకు హాజరై తమ వాంగుల్మాన్ని విన్పించారు.

ఈ సందర్భంగా నాంపల్లి కోర్టు ఏ అంశాలను పరిగణలోకి తీసుకోవాలి.. బాధితులైన మీతో పాటు సాక్షులుగా ఉన్న బాల్క సుమన్ ,సత్యవతి రాథోడ్, దాసోజ్ శ్రవణ్ మాటలను పరిగణలోకి తీసులోవాలా అని ప్రశ్నించింది.

దీనికి సమాధానంగా మంత్రి కొండా సురేఖ చేసిన వ్యాఖ్యలతో ఆధారాలాతో సహా వీడియోను మీకు సమర్పించాము .. వాటిని పరిగణలోకి తీసుకోవాలని మాజీ మంత్రి కేటీఆర్ తరపున వాదించిన లాయర్ కోర్టుకు విన్నవించారు. ఆ లాయరు ఎవరో కాదు అంబర్ పేట బీఆర్ఎస్ ఎమ్మెల్యే కాలేరు వెంకటేశ్.