బెస్ట్ CM గా చంద్రబాబు

ఏపీలో అధికారంలోకి వచ్చిన రెండు మూడు నెలల్లోనే దేశంలోనే బెస్ట్ సీఎంగా నాలుగో స్థానంలో నిలిచారు టీడీపీ జాతీయ అధ్యక్షుడు.. ముఖ్యమంత్రి నారా చంద్రబాబు నాయుడు..దేశంలో బెస్ట్ సీఎం ఎవరనే అంశంపై “ఆజ్ తక్”  ‘మూడ్ ఆఫ్ ద నేషన్’ సర్వే నిర్వహించింది…

ఈ సర్వే లో ఏపీ  ముఖ్యమంత్రి చంద్రబాబు 4వ స్థానంలో నిలిచినట్లు టీడీపీ ఆఫీసియల్ హ్యాండిల్ లో ట్వీట్ చేసింది.ఈ సర్వే ప్రకారం 33శాతం మార్కులతో ఉత్తరప్రదేశ్ ముఖ్యమంత్రి యోగి ఆదిత్యనాథ్ అగ్రస్థానంలో ఉన్నారు.

ఆ తర్వాత ఢిల్లీ సీఎం అరవింద్ కేజీవాల్ (14శాతం),వెస్ట్ బెంగాల్ ముఖ్యమంత్రి మమతా బెనర్జీ (9శాతం),తమిళనాడు ముఖ్యమంత్రి స్టాలిన్–ఏపీ ముఖ్యమంత్రి చంద్రబాబు సంయుక్తంగా 4వ స్థానం (5శాతం) పొందారు. తమ పాలనలో ప్రజలకు ఎలాంటి పరిపాలన అందిస్తున్నారనే దానిపై ఆజ్ తక్ ఈ సర్వే చేపట్టింది.