పంచాయితీ ఎన్నికల బరిలో తెలంగాణటీడీపీ

తెలంగాణ రాష్ట్రంలో త్వరలో జరగనున్న పంచాయితీతో పాటు స్థానిక సంస్థల ఎన్నికల్లో తెలుగు దేశం పార్టీ బరిలోకి దిగనున్నట్లు ఏపీ ముఖ్యమంత్రి.. టీడీపీ జాతీయ అధ్యక్షులు నారా చంద్రబాబు నాయుడు ప్రకటించారు..

ఈరోజు ఎన్టీఆర్ భవన్ లో తెలంగాణ టీడీపీ నేతలు.. కార్యకర్తలతో సమావేశమైన చంద్రబాబు ఈ నిర్ణయాన్ని వెల్లడించారు.. ఈ సమావేశంలో బాబు మాట్లాడుతూ గత రెండు ఎన్నికల్లో మనం పోటీ చేయలేదు.. ఏ పార్టీకి మనం మద్ధతు ఇవ్వలేదు..

కానీ త్వరలో జరగబోయే పంచాయితీ ఎన్నికల్లో బరిలోకి దిగుదాము.. క్షేత్రస్థాయి నుండి పార్టీని బలోపేతం చేద్దాం.. గ్రామ మండల జిల్లా రాష్ట్ర స్థాయికి సంబంధించి అన్ని కమిటీలు వేద్దాం… త్వరలోనే రాష్ట్ర అధ్యక్షుడ్ని నియమించుకుందాం.. ఏపీలో ఎన్నికలపై దృష్టి పెట్టడంతో ఇక్కడ పెట్టలేదు.. ఇక ముందు పెడతాను. అందరికి అందుబాటులో ఉంటాను. అవసరమైతే అమరావతి రావొచ్చు అని పార్టీ శ్రేణులకు భరోసా ఇచ్చారు…