జగన్ కు షర్మిల కౌంటర్

మాజీ ముఖ్యమంత్రి… వైసీపీ అధినేత వైఎస్ జగన్మోహాన్ రెడ్డి ఈరోజు సోమవారం నుండి ప్రారంభమైన అసెంబ్లీ సమావేశాలను బహిష్కరించిన సంగతి తెల్సిందే. దీంతో జగన్ తీరుపై ఇటు అధికార కూటమి పార్టీల నుండి.. అటు కాంగ్రెస్ బీజేపీల నుండి విమర్శలు వెల్లువెత్తుతున్నాయి.

ఈ క్రమంలో కాంగ్రెస్ పార్టీ ఏపీ అధ్యక్షులు వైఎస్ షర్మిల జగన్ తీరుపై విరుచుకుపడ్డారు. మీడియాతో వైఎస్ షర్మిల మాట్లాడుతూ ” అసెంబ్లీ మీద అలగడానికో.. మైకు ఇస్తేనే పోతానని మారం చేయడానికో ప్రజలు ఓట్లేసి గెలిపించలేదు.

జగన్ తీరు అత్తమీద కోపం దుత్త మీద చూపించినట్లు ఉందన్నారు. ప్రతిపక్ష హోదా ఇస్తేనే అసెంబ్లీ కి వెళ్తానడటం మీ అవివేకానికి ,అజ్ఞానానికి నిదర్శనం అని షర్మిల మండిపడ్డారు. అసెంబ్లీకి వెళ్లే దమ్ము,ధైర్యం లేకపోతే ఎమ్మెల్యే పదవికి రాజీనామా చేయాలని ఆమె డిమాండ్ చేశారు.