పుష్ప -2 సరికొత్త రికార్డు

ఎప్పుడెప్పుడా అని బ‌న్నీ అభిమానుల‌తో పాటు సినీ ప్రేమికులు ఎదురుచూస్తున్న చిత్రం పుష్ప -2. ఈ చిత్రం డిసెంబ‌ర్ 05న ప్రపంచ వ్యాప్తంగా సినీ ప్రేక్ష‌కుల ముందుకు రానుంది. దీంతో ఈ సినిమా ప్రీ రిలీజ్ బిజినెస్‌లో అద‌ర‌గొడుతున్న‌ట్లు తెలుస్తుంది.

ఇప్ప‌టికే అన్ని భాష‌ల్లో క‌లిపి ప్రీ రిలీజ్ బిజినెస్ రూ.1000 కోట్ల‌కు పైగా జ‌రిగినట్లు స‌మాచారం. తాజాగా ఈ చిత్రం విడుద‌ల ప‌రంగా మరో రికార్డును న‌మోదు చేయ‌బోతుంది. ఆరు భాషల్లో కలిపి 11,500 స్క్రీన్స్‌లో విడుదల కాబోతున్న‌ట్లు స‌మాచారం.

దీంతో ఇంత‌కుముందు రాజ‌మౌళి ఆర్ఆర్ఆర్ పేరిటా ఉన్న ఈ రికార్డు బ‌ద్ద‌ల‌వ్వ‌నుంది. ఆర్ఆర్ఆర్ చిత్రం 10200 లుకు పైగా స్క్రీన్స్‌లో విడుద‌ల అయ్యింది. ఇప్ప‌టివ‌ర‌కు ఇండియ‌న్ సినిమాల‌లో బిగ్గెస్ట్ రిలీజ్ అయిన చిత్రం ఇదే. అయితే ఈ రికార్డును పుష్ప అధిగ‌మించ‌బోతుంది.