మాజీ మంత్రి హారీష్ రావును కలిసిన ఎమ్మెల్సీ నవీన్ కుమార్

తెలంగాణ రాష్ట్రంలో ఇటీవల జరిగిన మహబూబ్ నగర్ జిల్లా స్థానిక సంస్థల ఎమ్మెల్సీ ఎన్నికల్లో బీఆర్ఎస్ అభ్యర్థి నవీన్ కుమార్ 108ఓట్ల మెజార్టీతో గెలుపొందిన సంగతి తెల్సిందే.

దీంతో ఈరోజు సాయంత్రం ఆయన మాజీ మంత్రి హారీష్ రావును కలిశారు.ఈ సందర్భంగా మాజీ మంత్రి హారీష్ రావు మాట్లాడుతూ “తెలంగాణ ఆవిర్భావ దశాబ్ది ఉత్సవాల రోజున మహబూబ్ నగర్ ప్రజలు నవీన్ కుమార్ రెడ్డిని ఎమ్మెల్సీగా గెలిపించి బీఆర్ఎస్ పార్టీకి బహుమతిగా ఇచ్చారు.

సీఎం రేవంత్ రెడ్డి గారి సొంత జిల్లాలోనే లోకల్ బాడీ ఎమ్మెల్సీ ఎన్నికల్లో బీఆర్ఎస్ విజయం సాధించి సత్తా చాటింది. నవీన్ కుమార్ రెడ్డిని మనసారా అభినందిస్తున్నాను. ఆయనకు ఓటేసి గెలిపించిన ప్రజాప్రతినిధులకు కృతజ్ఞతలు అని అన్నారు.