మంత్రి అచ్చెన్నాయుడు సంచలన వ్యాఖ్యలు

ఏపీ మంత్రి కింజారపు అచ్చెన్నాయుడు సంచలన వ్యాఖ్యలు చేశారు. ఆయన మీడియాతో మాట్లాడుతూ ” ఏపీలో ఉన్న బోగస్ ఫించన్లను ఏరివేస్తాము.. ఆగస్టు15 తారీఖు నుండి 100 అన్న క్యాంటిన్లను ప్రారంభిస్తాము.. గత ఐదేండ్లలో రాష్ట్రాన్ని ఆధోగతి పాలు చేశారు..

అన్ని అప్పులు చేసి ప్రజలకు సంక్షేమాభివృద్ధి పథకాలను అమలు చేయకుండా సొంత ఆస్తులను కూడబెట్టుకున్నారు. కానీ ఎన్ని ఆర్థిక కష్టాలు ఉన్న అప్పులు ఎన్ని ఉన్న సంక్షేమాభివృద్ధి పథకాలను అమలు చేస్తాము..

గత ఎన్నికల్లో ఇచ్చిన ప్రతి ఒక్క హమీని నెరవేరుస్తాము.. మాకు ఎన్నికల సమయంలోనే రాజకీయాలు.. ఇప్పుడు మేము చేసేది ప్రజలకోసం.. వారికోసం ఏమి చేసిన తక్కువే.. మాపై నమ్మకంతో అధికారాన్ని కట్టబెట్టారు. ప్రజల నమ్మకాన్ని వమ్ము చేయకుండా ముందుకెళ్తాము.. దేశం ముందే కాదు ఈ ప్రపంచం ముందు ఆంధ్రులు తల ఎత్తుకునేలా పాలిస్తాము “అని సంచలన వ్యాఖ్యలు చేశారు.