గర్భిణీలకు నొప్పులు కాకపోతే నవ్వులు వస్తాయా…?

తెలంగాణ రాష్ట్రంలోని భద్రాచలం ప్రభుత్వ ఆసుపత్రిలో గర్భిణీ స్త్రీలకు డెలివరీ చేయకుండా వైద్యులు ఇబ్బందులు పెడుతున్న సంఘటన ఒకటి వెలుగులోకి వచ్చింది.. అంతేకాకుండా ఇదే ఆసుపత్రిలో డెలివరీ చేయడానికి లంచాలు అడుగుతున్నారని సిబ్బందిపై బాధితులు వాపోతున్నారు..

ఆసుపత్రిలో పురిటి నొప్పులు భరించలేకపోతున్నామని వేడుకున్నా  వైద్యులు కనికరం చూపడంలేదని ఓ బాలింత చెప్పిన మాటల వీడియో ప్రస్తుతం వైరల్ అవుతుంది..ఆ వీడియోలో నొప్పి గవర్నమెంట్ ఆసుపత్రిలోనే వస్తుందా.. అయితే ప్రైవేట్ ఆసుపత్రిలో చూపించుకో అని గర్భిణులను తిడుతున్నరు డాక్టర్లు..

బిడ్డ బయటకు వచ్చే సమయంలో నొప్పిని భరించలేక వేడుకున్న గర్భిణీని మొదటి కాన్పు ప్రైవేట్ ఆసుపత్రిలో చూసుకున్నావా? అక్కడ నొప్పులు రాలేదా? సినిమాలు ఎక్కువ చూస్తావా, డైలాగులు చెప్తున్నావు అంటూ వ్యంగ్యంగా మాట్లాడిన వైద్యురాలు ప్రమీలారాణి..

కాన్పు అయ్యాక బిడ్డను పక్కన పడేసారు.. ఆ తర్వాత ఎవరూ మమ్మల్ని పట్టించుకోలేదు.. రిజిస్టర్లో మా పేర్లు కూడా తప్పుగా రాశారంటూ, పేర్లు సరిచేయమంటే లంచం అడుగుతున్నారని, రోగులకు నీళ్ల పాలు ఇస్తున్నారని ఆవేదన వ్యక్తం చేసిన సదరు బాలింత..