చెల్లని రూపాయికి గీతలెక్కువ.. రేవంత్ కు ఏతులెక్కువ.!

ఇగ శిశుపాలుడికి శాస్తి జరిగినట్లే రౌడీ మాటల రేవంత్ కు కూడా తగిన గుణ పాఠం చెప్పాల్సిన సమయం ఆసన్నమైంది అని ముఖ్యమంత్రి రేవంత్ రెడ్డి పై బీఆర్ఎస్ ఎమ్మెల్సీ అభ్యర్థి దాసోజ్ శ్రవణ్ తన ఎక్స్ లో రాసుకోచ్చారు.. బీఆర్ఎస్ అధినేత ..మాజీ సీఎం కేసీఆర్ పై రేవంత్ రెడ్డి చేసిన వ్యాఖ్యలపై ఎక్స్ లో స్పందిస్తూ “పరిపాలన చేతకాదు! ఇచ్చిన వాగ్దానాలు అమలుచేయరాదు!! పనికిరాని ఎకసెక్కపు బూతులకే పరిమితమైన రౌడీ రేవంత్, తన అహంకారపు ధోరణితో నీచ రాజకీయాల మడుగులో మునిగి, తన అసలు స్థాయిని మరోసారి చాటుకున్నాడు.

చెల్లని రూపాయికి గీతలు ఎక్కువ… చిల్లర రేవంత్ రెడ్డికి ఏతులు, ఎకసెక్కాలు ఎక్కువ!తండ్రి వయస్సున్న తెలంగాణ ఉద్యమ నాయకుడు, తొలి ముఖ్యమంత్రి, ప్రతిపక్ష నేత కె. చంద్రశేఖర్ రావు గారిని “స్ట్రెచర్, నుండి మార్చురీ” అంటూ చిన్నా పెద్ద తారతమ్యం లేకుండా అవహేళన చేయడం, చనిపోవాలని శాపనార్ధాలు పెట్టడం పరోక్షంగా బెదిరింపులకు రేవంత్ రెడ్డి, తనలోని హీన మనస్తత్వానికి అద్దం పట్టినట్లైంది.

స్వీయ నియంత్రణ లేని కోతి గద్దెమీద కూర్చున్నా, సంస్కారం లేని మూర్ఖుడు ముఖ్యమంత్రి కుర్చీలో కూర్చుంటే, తెలంగాణ ప్రజలకు కలిగే అవమానం ఏ స్థాయిలో ఉంటుందో – రేవంత్ రెడ్డి నిత్యం నిరూపిస్తున్నాడు.ఇవ్వాల్టి తన చిల్లర మాటలతో రేవంత్ మరోసారి తనకు తానే ముఖ్యమంత్రి కుర్చీలో కూర్చొనే స్టేచర్ లేదు, ఆ కుర్చీకి అనర్హుడు అని రుజువు చేసిండు.. ఇంకా సిగ్గులేక స్టేచర్ రాలేదు అంటే, సరిదిద్దుకోకపోగా, ఉలికిపాటు ఎందుకు??.ఒకవేళ రేవంతుకు స్టేచర్ ఉంటే, స్వంత పార్టీ నాయకులు, టీవీ యాంకర్లు సీఎం పేరు ఎందుకు మర్చిపోతరు?? పరిపాలన గాడి ఎందుకు తప్పింది??

ఈ లోకంలో ఎవరు స్ట్రెచర్ మీద పడతారో, ఎవరు మార్చురీకి వెళతారో, ఎవరి శరీరాలు పోస్టుమార్టం అవుతాయో – కాలమే నిర్ణయిస్తుంది! కానీ అహంకారంతో విర్రవీగితే చరిత్ర అతడిని మట్టికొట్టడం ఖాయం!ప్రజల ఉసురు పోసుకుంటున్న రేవంత్ శరీరం కూడా మార్చురీ కి పోదని గ్యారంటీ ఏందీ? ఎందుకు ఈ కొవ్వెక్కిన బలుపు మాటలు??.ఇంత నీచమైన వ్యక్తి ముఖ్యమంత్రి కావడం తెలంగాణ ప్రజల దురదృష్టం! పనికిరాని వదరుబోతు వీధి రౌడీ రేవంత్ రెడ్డికి త్వరలోనే ప్రజలు పిచ్చి కుక్కకు జరిపే శాస్తి చేస్తే తప్ప, రాష్ట్రానికి విముక్తి లేదు!.ఇగ శిశుపాలుడికి శాస్తి జరిగినట్లే రేవంత్ కు కూడా తగిన గుణ పాఠం చెప్పాల్సిన సమయం ఆసన్నమైంది అని ట్విట్టర్ లో పోస్టు చేశారు.