KCR తో గంగుల భేటీ

తెలంగాణ రాష్ట్రంలో బీఆర్ఎస్ కు చెందిన ఎమ్మెల్యేలు ఒకరి తర్వాత ఒకరు అధికార కాంగ్రెస్ పార్టీలో చేరుతున్న సంగతి తెల్సిందే.. తాజాగా రాష్ట్రంలోని కరీంనగర్ జిల్లా జగిత్యాల అసెంబ్లీ నియోజకవర్గ బీఆర్ఎస్ ఎమ్మెల్యే డా.సంజయ్ కుమార్ నిన్న ఆదివారం రాత్రి జుబ్లీహిల్స్ లో సీఎం రేవంత్ రెడ్డి సమక్షంలో కాంగ్రెస్ కండువా కప్పుకున్న సంగతి తెల్సిందే..

తాజాగా కరీంనగర్ బీఆర్ఎస్ ఎమ్మెల్యే గంగుల కమలాకర్ కాంగ్రెస్ పార్టీలో చేరనున్నట్లు వార్తలు తెగ వైరల్ అవుతున్నాయి.. ఈ నేపథ్యంలో  కీలక పరిణామం జరిగింది.

నిన్న ఆదివారం మాజీ ముఖ్యమంత్రి..బీఆర్ఎస్ అధినేత కేసీఆర్ తో ఎమ్మెల్యే   గంగుల కమలాకర్ తో పాటు దాదాపు 29 మంది కార్పొరేటర్లు భేటీ అయ్యారు.

కరీంనగర్ జిల్లాలో బలమైన నేతగా ఉన్న కమలాకర్ బీఆర్ఎస్ ను వీడితే పార్టీకి నష్టమని భావించిన కేసీఆరే.. గంగులను ఫామ్ హౌజ్ కు  ఆహ్వానించినట్లు సమాచారం. భవిష్యత్ అంతా మనదేనని, ఎవరూ పార్టీ మారొద్దని గులాబీ దళపతి సూచించినట్లు తెలుస్తోంది.