ఎలుకలకు నిలయంగా గురుకులాలు

తెలంగాణ రెసిడెన్షియల్ జూనియర్ కాలేజీ హాస్టళ్లన్నీ ఎలుకలకు నిలయమవుతున్నాయా..?..హైదరాబాద్ మహానగరంలోనే సాక్షాత్తు జెన్టీయూ లాంటి హస్టళ్లలో పిల్లులు,ఎలుకలు ఉండగా గురుకులాల్లో ఉండవా అని ఆలోచిస్తున్నారా..?.అయితే ఎలుకలు విద్యార్థులను గాయపరిచిన సంఘటన ఒకటి వెలుగులోకి వచ్చింది.

హనుమకొండ – హసన్‌పర్తిలోని తెలంగాణ రెసిడెన్షియల్ జూనియర్ కాలేజీ హాస్టల్ గదుల్లో ఎలుకల బెడద చాలా ఎక్కువగా ఉంది.. రాత్రి  పడుకున్న సమయంలో ముగ్గురు విద్యార్థులను ఎలుకలు కరవడంతో తీవ్ర అస్వస్థతకు గురయ్యారు.వారిని హసన్‌పర్తి ప్రభుత్వ ఆసుపత్రికి తరలించి చికిత్స అందించారు.

హాస్టల్ గదుల్లో ఎలుకల బెడద ఎక్కవగా ఉందని ప్రిన్సిపాల్ కు చెప్పినా పట్టించుకోవడం లేదని వారు ఆరోపించారు. గతంలో కూడా ఇలా కొందరిని  ఎలుకలు కరిచిన బయటకు రానీవ్వకుండా బెదిరించారు..ఇప్పటికైన తగిన చర్యలు తీసుకోవాలని విద్యార్థులు డిమాండ్ చేస్తున్నారు.