అసలు ఎవరు ఈ కైరా…?

పాన్ ఇండియా స్టార్ హీరో… రెబల్ స్టార్ ప్రభాస్ హీరోగా తాజాగా విడుదలై రికార్థుల మీద రికార్డులను సొంతం చేస్కుంటున్నా మూవీ కల్కి 2898AD.. అమితాబ్ బచ్చన్, దీపికా పదుకునే, మృణల్ ఠాకూర్, దిశా పటాని, శోభన లాంటి హేమా హేమీలు నటించగా వైజయంతి బ్యానర్ పై అశ్వని దత్ నిర్మాణంలో నాగ్ అశ్విన్ దర్శకత్వం వహించారు.

ఈ మూవీలో ‘కైరా’ పాత్ర చాలా మందిని ఆకట్టుకుంది. ఆమె స్క్రీన్పై ఉండేది కొద్ది సమయమే అయినా.. ప్రేక్షకులు తనను గుర్తుపెట్టుకునేలా నటించారు. ఆమె తన ప్రత్యేకమైన వాహనంపై ప్రత్యర్థులతో పోరాడే సన్నివేశాల్లో అద్భుతంగా నటించి తనకంటూ ఓ గుర్తింపు సొంతం చేసుకున్నారు. ఈ మలయాళ బ్యూటీ పేరు ‘అన్నా బెన్’.

కొచ్చికి చెందిన ఈమె 2019లో ‘కుంబలంగి నైట్స్’ అనే మలయాళ చిత్రంతో తెరంగేట్రం చేశారు. ఉత్తమ పరిచయ నటిగా ‘సైమా’, ‘కేరళ స్టేట్ ఫిల్మ్ అవార్డ్స్’ సహా పలు పురస్కారాలు అందుకున్నారు. అంతేకాకుండా ‘హెలెన్’, ‘కప్పేలా’, ‘నారదన్’, ‘నైట్ డ్రైవ్ ‘, ‘కాపా’ వంటి విభిన్న కథా చిత్రాల్లో నటించి మలయాళ ఇండస్ట్రీలో తనకంటూ అభిమానులను సంపాదించుకున్నారు.

ప్రతీ సినిమాకి ఏదో ఒక అవార్డు సొంతం చేసుకోవడం ఆమెకు అలవాటుగా మారింది. అన్నా బెన్ నటించిన తొలి తెలుగు సినిమా ‘కల్కినే కావడం విశేషం. పైగా ఆమె నటించిన తొలి సైన్స్ ఫిక్షన్ మూవీ కూడా ఇదేనట.