జూనియర్ ఎన్టీఆర్ కీలక వ్యాఖ్యలు

హిట్ చిత్రాల దర్శకుడు కొరటాల శివ దర్శకత్వంలో పాన్ ఇండియా స్టార్ జూనియర్ ఎన్టీఆర్ హీరోగా… బాలీవుడ్ బ్యూటీ జాన్వీ కపూర్ హీరోయిన్ గా.. సైఫ్ ఆలీఖాన్ ప్రధాన పాత్రలో కళ్యాణ్ రామ్ సమర్పణలో ఎన్టీఆర్ ఆర్ట్స్ బ్యానర్ పై నిర్మితమై ఈ నెల ఇరవై ఏడో తారీఖున ప్రపంచ వ్యాప్తంగా ప్రేక్షకుల ముందుకు రానున్న మూవీ దేవర..

దేవర మూవీ ప్రమోషన్ కార్యక్రమాలతో హీరోహీరోయిన్లు.. చిత్రం మేకర్స్ ఫుల్ బిజీగా ఉన్నారు. తాజా చెన్నైలో జరిగిన దేవర ప్రమోషన్స్ కార్యక్రమంలో హీరో ఎన్టీఆర్, హీరోయిన్ జాన్వీ కపూర్ పాల్గోన్నారు.. ఈ సందర్భంగా హీరో ఎన్టీఆర్ కీలక వ్యాఖ్యలు చేశారు.

ఆయన మాట్లాడుతూ అసురన్ దర్శకుడు వెట్రిమారన్ తాను అభిమానించే వారిలో ఒకరు.. ఆయన ఒకే అంటే నేరుగా తమిళంలో మూవీ చేసేందుకు తాను సిద్ధమని అన్నారు.. అవసరమైతే ఆ మూవీని తెలుగులో డబ్బింగ్ చేద్దామని అన్నారు.