గెలుపే మా లక్ష్యం

మైదానంలో బరిలోకి దిగినప్పుడు ప్రత్యర్థి గురించి కంటే ఆమ్యాచ్ గెలుపైనే మేము ఎక్కువగా దృష్టి పెడతామని టీమిండియా కెప్టెన్ రోహిత్ శర్మ అన్నారు. చెన్నై వేదికగా గురువారం నుండి భారత్ -బంగ్లాదేశ్ జట్ల మధ్య తొలి టెస్ట్ మ్యాచ్ ప్రారంభం కానున్నది.

చెన్నై వేదికగా జరగనున్న తొలి టెస్ట్ మ్యాచ్ గురించి కెప్టెన్ రోహిత్ శర్మ మాట్లాడుతూ ” క్రికెట్ ఆడేటప్పుడు ప్రతి జట్టు టీమిండియా జట్టును ఓడించాలనే ఆలోచిస్తుంది.. ఆ ఆలోచనతోనే ప్రణాళికలను రచించి మైదానంలోకి దిగుతుంది.

భారత్ ను ఓడించడంలోనే ప్రత్యర్థి జట్లకు ఓ మజా వస్తుంది.. వాళ్ల మజాను వాళ్ళు పొందనివ్వండి. మేము ఎలా గెలవాలా అని ఆలోచిస్తాము.. ప్రత్యర్థి జట్లకంటే పదునుగా మేము ప్రణాళికలను రచించి ఆ మ్యాచ్ లో ఘనవిజయం సాధిస్తాము అని ఆయన తెలిపారు.