స్మృతి మంధాన అరుదైన రికార్డు

టీమిండియా మహిళల జట్టు ఓపెనర్ స్మృతి మంధాన అరుదైన రికార్డును సొంతం చేసుకున్నారు. న్యూజిలాండ్ తో జరిగిన మూడు వన్డేల సిరీస్ లో భాగంగా లాస్ట్ వన్డే మ్యాచ్ లో స్మృతి మంధాన శతకాన్ని నమోదు చేశారు.

దీంతో భారత్ తరపున అత్యధికంగా శతకాలను నమోదు చేసిన మహిళ ప్లేయర్ గా మంధాన రికార్డు సృష్టించారు. ఇప్పటివరకు వన్డే క్రికెట్ లో స్మృతి మంధాన ఎనిమిది శతకాలను నమోదు చేశారు. మరోవైపు టీమిండియా మాజీ కెప్టెన్ మిథాలీ రాజ్ (7), హర్మన్ ప్రీత్ కౌర్ (6)ఆ తర్వాత స్థానాల్లో ఉన్నారు.

ఓవరాల్ గా వన్డే ల్లో లానింగ్ (ఆసీస్) 15శతకాలతో అగ్రస్థానంలో ఉన్నారు. మరోవైపు మూడు వన్డేల సిరీస్ లో రెండు వన్డేలను గెలవడంతో సిరీస్ ను టీమిండియా కైవసం చేసుకున్న సంగతి తెల్సిందే. లాస్ట్ మ్యాచ్ లో స్మృతి మంధాన 122బంతుల్లో 100పరుగులు చేసింది.