మెగాస్టార్ గొప్ప మనసు

టాలీవుడ్ సీనియర్ స్టార్ హీరో.. మెగాస్టార్ చిరంజీవి ఐ బ్యాంకు, బ్లడ్ బ్యాంకుల ద్వారా ఎన్నో సేవ కార్యక్రమాలు చేస్తున్న సంగతి తెల్సిందే.. ఆపదల్లో ఉన్నవారికి ఆర్థికంగా సాయం చేసి అండగా కూడా నిలబడతారు.. తాజాగా ఇలాంటి సంఘటన ఒకటి వెలుగులోకి వచ్చింది..

ప్రముఖ టాలీవుడ్ సీనియర్ విలన్… నటుడు పొన్నాంబళం చిరు పుట్టిన రోజు వేడుకల్లో పాల్గొని మాట్లాడుతూ “నా జీవితం మెగాస్టార్ చిరంజీవి ఇచ్చిందేనని  అన్నారు.  ‘ఆ రోజుల్లో ఫైటర్స్ రెమ్యునరేషన్ రోజుకు రూ.350 ఉండేది.

కానీ చిరంజీవి సినిమా షూటింగ్ కు మాత్రం నాకు రూ.వెయ్యి ఇచ్చేవారు. నాకు కిడ్నీ సమస్య వచ్చిందని తెలిసి చిరంజీవి రూ.60 లక్షల వరకు ఖర్చు పెట్టి వైద్యం చేయించారు. ఈరోజు నేనిలా ఉన్నానంటే అది ఆయన చలవే’ అని పొన్నాంబళం తెలిపారు.