మాజీ మంత్రి సబితా ఇంద్రారెడ్డి కంటతడి

తెలంగాణ రాష్ట్ర మాజీ మంత్రి… మహేశ్వరం అసెంబ్లీ నియోజకవర్గ ఎమ్మెల్యే పటోళ్ల సబితా ఇంద్రారెడ్డి అసెంబ్లీ ప్రాంగణంలోని మీడియా పాయింట్ దగ్గర కంటతడి పెట్టారు. మీడియాతో సబితా ఇంద్రారెడ్డి మాట్లాడుతూ” సభలో పదే పదే ముఖ్యమంత్రి ఎనుముల రేవంత్ రెడ్డి మాట్లాడుతూ నేను మోసం చేశాను..

మోసం చేసి పార్టీ మారాను.. నేను రేవంత్ రెడ్డిని మోసం చేసినట్లు చెప్పుకుంటున్నాడు.”. నేను ఏమి పదవుల కోసం మారలేదు. నన్ను బలవంతంగా పార్టీ మారేలా చేశారు.

అక్క అక్క అంటూ నాతో సహా మహిళలను అవమానపరిచే విధంగా సభలో రేవంత్ రెడ్డి వ్యాఖ్యానించారు. నేను మాట్లాడటానికి సభలో అవకాశం ఇవ్వలేదు.. దొంగలెక్క సభను రేపటికి వాయిదా వేస్తూ పారిపోయారు అని కంటతడి పెట్టారు మాజీ మంత్రి పటోళ్ల సబితా ఇంద్రారెడ్డి.