సమంత సినీ ప్రస్థానానికి 15ఏండ్లు

తెలుగు సినిమా ఇండస్ట్రీకి చెందిన అందాల ముద్దుగుమ్మ స‌మంత గురించి ప్ర‌త్యేకంగా ఎవరికీ ప‌రిచ‌యాలు అక్క‌ర్లేదు. స్టార్ హీరోయిన్‌గా ఓ రేంజ్‌లో పాపులారిటీ సంపాదించుకున్న ఈ భామ ఆ త‌ర్వాత అక్కినేని వారసుడు యువహీరో నాగ చైత‌న్య‌ని ప్రేమించి పెళ్లి చేసుకుంది. సంసారం స‌జావుగా సాగుతున్న స‌మ‌యంలో ఇద్ద‌రి మ‌ధ్య మ‌నస్ప‌ర్థ‌లు వ‌చ్చి అత‌ని నుండి విడిపోయింది. ఇక ప్ర‌స్తుతం సింగిల్‌గా ఉంటుంది. ఇక చైతూ నుండి విడిపోయిన త‌ర్వాత స‌మంత‌కి మ‌యోసైటిస్ అనే వ్యాధి బ‌య‌ట‌ప‌డింది. చాలా రోజుల పాటు ఈ వ్యాధితో బాధ‌ప‌డ్డ స‌మంత సినిమాల‌కి కూడా బ్రేక్ ఇచ్చింది. అయితే చివ‌రికి ఆ వ్యాధితో ధీటుగా ఎదుర్కొని మ‌ళ్లీ సినిమాల‌తో అల‌రించేందుకు సిద్ధ‌మ‌వుతుంది ఈ ముద్దుగుమ్మ..

ఈ భామ సినీమాల్లోకి ఎంట్రీచ్చి 15వసంతాలు పూర్తయ్యాయి. 2010లో విడుదలైన ఏ మాయ చేసావే సినిమా ద్వారా ఈ బ్యూటీ ఆరంగేట్రం చేసింది. ఈ మూవీ ఫిబ్ర‌వ‌రి 26,2010న విడుద‌లై పెద్ద విజ‌యం సాధించింది. ఈ సినిమాలో స‌మంత‌తో చైతూ జంట‌గా న‌టించాడు. ఈ మూవీ స‌మ‌యంలోనే వారిద్ద‌రి మ‌ధ్య ప్రేమ పుట్టింద‌ని టాక్. అయితే ఏ మాయ చేశావే సినిమా విడుద‌లై 15 ఏళ్లు కావ‌డంతో, స‌మంత సినీ జ‌ర్నీ కూడా 15 ఏళ్లు పూర్తి అయింది.

ఈ సినీ ప్ర‌యాణంలో స‌మంత‌.. స్టార్ హీరోలైన అల్లు అర్జున్, ఎన్టీఆర్, పవన్ కళ్యాణ్ , మహేష్ బాబు, రామ్ చరణ్ లాంటి స్టార్ హీరోల సరసన నటించి అల‌రించిఆంది. తమిళంలో కూడా వరుస సినిమాలు చేసింది.

చివరిగా సమంత తెలుగులో ఖుషి, తమిళంలో కాతువాక్కుల రెండు కాదల్ సినిమాల్లో నటించింది. తాజాగా మా ఇంటి బంగారం అనే తెలుగు సినిమా ద్వారా రీ ఎంట్రీ ఇచ్చేందుకు సిద్ధ‌మైంది. ఈ సినిమా ద్వారా నిర్మాతగా కూడా పరిచయం కానుంది. ఈ క్ర‌మంలోనే సమంత సినీ రంగంలోకి వచ్చి 15 ఏళ్లు పూర్తి కావ‌డంతో త‌న ఇన్ స్టాగ్రామ్ లో ఫోటోలను పంచుకుంటూ కృతజ్ఞతలు తెలిపింది.