లంక పై ఇంగ్లాండ్ విజయం

మాంచెస్టర్ వేదికగా శ్రీలంకతో జరుగుతున్న మూడు టెస్టుల సిరీస్ లో ఇంగ్లాండ్ జట్టు శుభారంభం చేసింది. తొలి టెస్ట్ మ్యాచులో ఆతిథ్య జట్టు ఐదు వికెట్ల తేడాతో ఘన విజయం సాధించింది. నాలుగో రోజు 205 పరుగుల లక్ష్యాన్ని ఇంగ్లాండ్ 57.2 ఓవర్లలో ఐదు వికెట్లను కోల్పోయి ఆ లక్ష్యాన్ని చేధించింది.

జో రూట్ (62నాటౌట్),జేమీ (39), లారెన్స్ (34),బ్రూక్ (32) రాణించారు.లంక జట్టులో బౌలర్లలో అసిత(2/25),ప్రభాత్ (2/98)ఆకట్టుకున్నారు. ఇంగ్లాండ్ జట్టు 73 పరుగులకే 3 వికెట్లు కోల్పోయిన దశలో ఉత్కంఠ నెలకొన్నది.

అంతకుముందు రెండో ఇన్నింగ్స్ లో లంక జట్టు గొప్పగా పోరాడింది. 95పరుగులకే 4 వికెట్లు కోల్పోయిన స్థితి నుండి కమిందు మెండిస్ (113),మాథ్యూస్ (65),చండిమాల్ (79)పరుగుల పట్టుదలతో 307/6కు చేరుకుంది. కానీ చివరలో నాలుగు వికెట్లను కేవలం పంతొమ్మిది పరుగులకే కోల్పోయింది. తొలి ఇన్నింగ్స్ లో లంక 236,ఇంగ్లాండ్ 358 పరుగులు చేసింది.