దేవర మరో రికార్డు

జూనియర్ ఎన్టీఆర్ హీరోగా.. జాన్వీ కపూర్ హీరోయిన్ గా.. అజయ్ , ప్రకాష్ రాజ్, సైఫ్ ఆలీఖాన్ ,శ్రీకాంత్ తదితరులు ప్రధాన పాత్రలో నటించగా ఇటీవల విడుదలైన మూవీ దేవర. కొరటాల శివ దర్శకత్వం వహించగా ఎన్టీఆర్ ఆర్ట్స్ బ్యానర్ పై కళ్యాణ్ రామ్ నిర్మాతగా వ్యవహరించారు.

కలెక్షన్ల విషయంలో దేవర మరో రికార్డును సొంతం చేసుకుంది. విడుదలైన రోజు దగ్గర నుండి ఈరోజు వరకు దాదాపు పద్దెనిమిది రోజులు వరుసగా మినిమమ్ కోటి రూపాయలు వసూలు చేసిన సినిమాగా రికార్డుకెక్కింది. కరోనా మహమ్మారి తర్వాత ఈ స్థాయి కలెక్షన్లను రాబట్టిన తొలి సినిమా ఇదే కావడం విశేషం.

ఇటు సీడెడ్ లో ముప్పై కోట్ల రూపాయల కలెక్షన్లు దాటాయి. దీంతో ఆ ఏరియాలో ముప్పై కోట్లు వసూలు చేసిన మూవీలు రెండు ఉన్నాయి.. ఆరెండు ఉన్న వ్యక్తిగా జూనియర్ రికార్డును సొంతం చేసుకున్నాడు. ఇప్పటివరకు ఈ మూవీ ఐదోందల పది కోట్ల రూపాయలను సొంతం చేసుకుంది.