రాజమౌళి దంపతులకు అరుదైన గౌరవం

తెలుగు సినిమా ఖ్యాతిని ప్రపంచానికి చాటిచెప్పిన దర్శకుడు ఎస్‌.ఎస్‌.రాజమౌళి. ‘ఆర్‌ఆర్‌ఆర్‌’తో తెలుగు సినిమాను ఆస్కార్‌ స్థాయికి తీసుకెళ్లారాయన.

దర్శకుడిగా రాజమౌళి సాధించిన ఘనత అసామాన్యం. ఇప్పుడు ఆయనతోపాటు ఆయన సతీమణి రమా రాజమౌళి కూడా ఓ ఘనతను సాధించారు.

ప్రతిష్టాత్మక ఆస్కార్‌ అకాడమీలో చేరేందుకు ఈ జంటకు ఆహ్వానం అందింది.దర్శకుల కేటగిరిలో రాజమౌళి, కాస్ట్యూమ్స్‌ డిజైనర్‌గా రమా రాజమౌళి ఈ గౌరవం దక్కించుకున్నారు.