మలయాళం రీమేక్ మూవీలో బాలయ్య

బాబీ దర్శకత్వంలో తెరకెక్కుతున్న NBK109 ప్రాజెక్టులో నటిస్తున్నాడు నందమూరి నటసింహాం.. యువరత్న బాలకృష్ణ. ఈ చిత్రం తర్వాత బాలయ్య మలయాళం మూవీ రీమేక్ లో నటించనున్నాడు అని టాలీవుడ్ ఇండస్ట్రీలో వార్త తెగ చక్కర్లు కొడుతుంది.

మలయాళంలో బ్లాక్ బస్టర్ అయిన ఆవేశం సినిమా తెలుగులో రీమేక్ చేయనున్నారు అని ఫిల్మ్ నగర్లో గుసగుస. ఈ చిత్రంలో ఫహిద్ ఫాజిల్ క్యారెక్టర్ తెలుగు సినిమా ప్రేక్షకులకు తెగ నచ్చేసింది. దీంతో ఈ చిత్రాన్ని బాలయ్య బాబుతో రీమేక్ చేయాలనే చూస్తున్నట్లు సమాచారం..

ప్రస్తుతం ఉస్తాద్ భగత్ సింగ్ ,మిస్టర్ బచ్చన్ మూవీలతో బిజీబిజీగా ఉన్న హారీష్ శంకర్ ఈ చిత్రాన్ని తెలుగులోకి రీమేక్ చేయనున్నారు అని టాక్. రీమేక్ సినిమాలను తనదైన శైలీలో మలుస్తూ తెలుగు ప్రేక్షకులను మెప్పించేలా తీసే హారీష్ శంకర్ ఈ మూవీ ఎలా రీమేక్ చేస్తారనే ఉత్సకత తెలుగు సినిమా ప్రేక్షకుల్లో నెలకొన్నది.