14ఏండ్ల తర్వాత త్రిష రీఎంట్రీ

చూడటానికి బక్కగా ఉంటుంది..నల్లని వయ్యారాల చెన్నై భామ త్రిష. వర్షం మూవీతో సినీ ప్రేక్షకుల మదిని కొల్లగొట్టిన ఈ ముద్దుగుమ్మ ఆ తర్వాత స్టార్ హీరోలతో పలు సినిమాల్లో నటించి తనదైన మార్కును చూపించింది.

ఆ తర్వాత అప్పుడప్పుడు తారలా మెరిసిన కానీ ఇటీవల ఎక్కువగా లేడీ ఓరియేంటేడ్ చిత్రాల్లో నటిస్తూ మెప్పిస్తుంది. కొన్ని రోజుల కిందట విడుదలైన ‘పొన్నియన్‌ సెల్వన్‌’ చిత్రంతో తిరిగి ఇండస్ట్రీలో పూర్వ వైభవాన్ని సంపాదించుకున్న ఈ భామ ప్రస్తుతం భారీ సినిమాల్లో నటిస్తూ బిజీగా ఉంది. కమల్‌హాసన్‌తో ‘థగ్‌లైఫ్‌’, చిరంజీవితో ‘విశ్వంభర, మలయాళంలో మోహల్‌లాల్‌ సరసన ఓ సినిమాలో నటిస్తున్నది త్రిష.

తాజా సమాచారం ప్రకారం పద్నాలుగేండ్ల తర్వాత ఈ భామ బాలీవుడ్‌లో సల్మాన్‌ఖాన్‌ సరసన ‘ది బుల్‌’ అనే చిత్రంతో రీఎంట్రీ ఇవ్వనుందని సమాచారం. . తమిళ దర్శకుడు విష్ణువర్ధన్‌ రూపొందిస్తున్న ఈ సినిమా త్వరలో స్పెయిన్‌లో షూటింగ్‌ జరుపుకోనుంది. 14 ఏళ్ల క్రితం అక్షయ్‌కుమార్‌తో కలిసి ‘ఖట్టా మీఠా’ అనే చిత్రంలో నటించింది త్రిష.