కవితకు సీతక్క కౌంటర్..!

తెలంగాణ శాసనమండలిలో బడ్జెట్ సమావేశాల సందర్భంగా బీఆర్ఎస్ ఎమ్మెల్సీ కవిత ముఖ్యమంత్రి రేవంత్ రెడ్డిపై చేసిన వ్యాఖ్యలపై మంత్రి సీతక్క ఘాటుగా స్పందించారు. మంత్రి సీతక్క మాట్లాడుతూ “తెలంగాణ రాష్ట్ర పరువు తీసింది ఎవరు?.మీ కుటుంబమే రాష్ట్ర పరువు తీసింది కదా వ్యాఖ్యానించారు. మంత్రి సీతక్క మాట్లాడుతూ “మాకు డిల్లీ వ్యాపారాలు తెలియవు.ఢిల్లీ వ్యాపారాలతో రాష్ట్రం పరువు తీసింది మీరు, మీ కుటుంబం.కాంగ్రెస్ పార్టీది త్యాగాల చరిత్ర .కరప్షన్ కి కేర్ ఆఫ్ అడ్రస్ బిఆర్ఎస్ .

మహిళలకు అడుగడుగున అన్యాయం చేసింది టిఆర్ఎస్.మొదటి ఐదు సంవత్సరాల్లో మంత్రి పదవిలో మహిళలు లేరు, మహిళా కమిషన్ కి సభ్యులు లేరు.మహిళలు పొదుపు చేసుకున్న 1800 కోట్ల అభయ హస్తం నిధులు ఇవ్వలేదు .పావలా వడ్డీ ఇవ్వలేదు.మహిళ సంఘాలకు ఇవ్వాల్సిన 3700 కోట్ల వడ్డీలు చెల్లించ లేదు.తెలంగాణను మీరు సస్యశ్యామలం చేస్తే, రైతులు ఎందుకు ఇబ్బందులు పడ్డారు.

మేము పంట కాలువలు మూసివేసినట్లుగా టిఆర్ఎస్ తప్పుడు ప్రచారం చేస్తుంది. బీఆర్ఎస్ పార్టీ డిఎన్ఏ లోనే కరప్షన్ ఉంది.ఇష్టానుసారంగా ఎస్టిమేషన్స్ పెంచి దోచుకుతున్నారు .మీరు నోటిఫికేషన్లు ఇస్తే నియామ కాలను ఎవరు అడ్డుకున్నారు .మీరు చేయలేని ఉద్యోగాల భర్తీ మేం చేస్తున్నాం .59 వేల ఉద్యోగాలను భర్తీ చేసా ము .మీరు అన్ని చేస్తే ప్రజలు ఎందుకు ఓడిస్తారు .టిఆర్ఎస్ పెద్దలు ఆత్మ పరిశీలన చేసుకోవాలి.మీరు బంపర్ మెజారిటీతో అధికారంలోకి రాలేదు.

మీరు మొదటి సారి అధికారంలోకి వచ్చినప్పుడు 63 సీట్లతో వచ్చారు.మేము 65 సీట్లతో అధికారులకు వచ్చాము .10 సంవత్సరాల్లో ఎన్ని ఇండ్లు ఇచ్చారు?.ప్రజలకు ఇండ్లు ఇవ్వలేదు కాబట్టి మిమ్మల్ని ప్రజలు ఇంట్లో కూర్చోబెట్టారు .మేము వచ్చి 15 నెలలు అయింది.. అప్పుడే అన్ని కావాలన్నట్టుగా అక్కసు వేల కక్కుతున్నారు.ఇందిరా గాంధీ, రాజీవ్ గాంధీ గారు దేశం కోసం ప్రాణాలు అర్పించారు.. వారి పేరు స్కీమ్స్ కి పెడితే ఎందుకంత కడుపు మంట .మీరు నిరుద్యోగ భృతి ఇస్తామని చెప్పి ఇవ్వలేదు .ఎన్నో హామీలు తుంగలో తొక్కారు .రాష్ట్రం పరువు తీసింది మీరే.. తప్పుడు ప్రచారం చేయొద్దు .ఎఫ్ ఆర్ బి ఎం నిబంధనలకు విరుద్ధంగా అప్పల కోసమే కార్పొరేషన్లను ఏర్పాటు చేశారు .మీరు ఎంత తక్కువ మాట్లాడితే అంత మంచిది అని ఘాటుగా స్పందించారు.