ఆ కాంగ్రెస్ ఎమ్మెల్యే అందరికీ ఆదర్శం..!

ఇన్నేండ్ల మన స్వాతంత్ర భారతంలో పదవుల కోసం పార్టీలు మారినవాళ్ళను చూసినము. అధికారం కోసం పార్టీల మారినవాళ్లను చూసినము. అఖరికి అనుకున్నది సాధించడానికి బ్లాక్ మెయిలింగ్ రాజకీయాలకు పాల్పడిన వాళ్ళను చూసినము. కానీ ఈ ఎమ్మెల్యే మాత్రం తన గురించి కాదు..

తనకు దక్కాల్సిన పదవుల గురించి కాదు ఏకంగా జిల్లా అభివృద్ధి కోసం తన ఎమ్మెల్యే గిరినే వదులుకోవడానికి సిద్ధమయ్యారు. ఈ ఉపోద్ఘాతం ఎవరి గురించి అనుకుంటున్నారా..? ఆయనే రంగారెడ్డి జిల్లా ఇబ్రహీంపట్నం కాంగ్రెస్ పార్టీ ఎమ్మెల్యే మల్ రెడ్డి రంగారెడ్డి. ఆయన మీడియాతో మాట్లాడుతూ ఉమ్మడి హైదరాబాద్ రంగారెడ్డి జిల్లాల్లో గెలిచిన ఏకైక కాంగ్రెస్ పార్టీ సీనియర్ ఎమ్మెల్యేను నేనే.

నా కోసం మంత్రి పదవి కాదు జిల్లా అభివృద్ధి కోసం ఇవ్వమని డిమాండ్ చేస్తున్నాను. మంత్రి పదవి ఇవ్వడానికి కులసమీకరణే సమస్య అనుకుంటే నేను నా ఎమ్మెల్యే పదవికి రాజీనామా చేసి వేరేవాళ్లను నిలబెట్టి గెలిపిస్తాను. తనకు ఆ మంత్రి పదవి ఇవ్వండి. నిఖార్సైన కాంగ్రెస్ కార్యకర్తలకు నేతలకు అన్యాయం జరగోద్దు. ఇటీవల పార్టీలో చేరిన వాళ్లకు మంత్రి పదవులిచ్చారు. మొదటి నుండి ఉన్నవాళ్లకు హ్యాండిచ్చారు అని ఆయన సంచలన వ్యాఖ్యలు చేశారు.