టీపీసీసీ చీఫ్ గా మహేష్ కుమార్ గౌడ్ ఎందుకంటే..?

తెలంగాణ ప్రదేశ్ కాంగ్రెస్ కమిటీ అధ్యక్షుడిగా ఆ పార్టీ సీనియర్ నేత… ఎమ్మెల్సీ.. బీసీ సామాజిక వర్గానికి చెందిన మహేష్ కుమార్ గౌడ్ ను నియమిస్తూ ఏఐసీసీ అధికారకంగా ఉత్తర్వులను జారీ చేసింది..

ప్రస్తుతం ఈ పదవిలో ఉన్న ముఖ్యమంత్రి రేవంత్ రెడ్డి స్థానంలో మహేష్ కుమార్ గౌడ్ ను ఎంపిక చేయాలని రెండు వారల కిందట జరిగిన ఏఐసీసీ సమావేశంలోనే నిర్ణయం తీసుకోవడం జరిగింది..

పీసీసీ చీఫ్ కోసం మాజీ ఎంపీ మధు యాష్కీ దగ్గర నుండి మాజీ ఎమ్మెల్యే జగ్గారెడ్డి వరకు అందరూ ఢిల్లీ స్థాయిలో పైరవీలు చేసిన మహేష్ కుమార్ వైపే మొగ్గు చూపడానికి కారణం బీసీ నేత.  ఎవరితోనూ ఎలాంటి విభేదాలు లేకపోవడం.. అజాతశత్రువుగా పేరు ఉండటం.. ఇటీవల జరిగిన ఎమ్మెల్యే ఎన్నికల్లో సీటును త్యాగం చేయడం.. ముఖ్యమంత్రి రేవంత్ రెడ్డి, డిప్యూటీ సీఎం భట్టీ తో సయోధ్య ఉండటం వల్ల ఇవ్వడం జరిగిందని గాంధీ భవన్ వర్గాలు చెబుతున్నాయి..