సరికొత్త రికార్డు సృష్టించిన “సరిపోదా శనివారం”

వివేక్ అత్రేయ దర్శకత్వంలో నేచూరల్ స్టార్ హీరో నాని హీరోగా.. ప్రియాంక మోహాన్ హీరోయిన్ గా.. ప్రముఖ దర్శక నిర్మాత నటుడైన సూర్య ప్రధాన పాత్రల్లో నటించగా ఇటీవల ప్రేక్షకుల ముందుకు వచ్చిన మూవీ “సరిపోదా శనివారం”. శుక్రవారం నాడు విడుదలైన ఈ చిత్రం పాజిటీవ్ టాక్ తో కలెక్షన్ల సునామీని సృష్టించింది.

కేవలం మూడు రోజుల్లోనే రూ.50 కోట్ల వసూళ్లను సోంతం చేసుకున్నట్లు సినీ ట్రేడ్ వర్గాలు చెబుతున్నాయి. ఈ మూవీ విడుదలైన తొలి రెండు రోజుల్లోనే ప్రపంచ వ్యాప్తంగా రూ.36.03కోట్ల కలెక్షన్లను రాబట్టిందని సినిమా నిర్మాత ప్రకటించారు.. మూడో రోజు సెలవు కావడంతో యాబై కోట్ల మార్కును సులభంగా దాటుతుందని సినీ విశ్లేషకులు అభిప్రాయ పడుతున్నారు.

గతంలో నాని ,కీర్తి సురేష్ హీరో హీరోయిన్లుగా నటించిన దసరా మూవీతో పాటు మరో సినిమా హాయ్ నాన్న కూడా రూ.50కోట్లకు పైగా వసూళ్లను సొంతం చేసుకుంది.. కేవలం మూడు రోజుల్లోనే ఈ మార్క్ ను దాటిన చిత్రంగా తాజాగా సరిపోదా శనివారం నిలిచింది. దీంతో వరుసగా మూడు చిత్రాలు హ్యాట్రిక్ యాబై కోట్ల లిస్ట్ ను నాని తన పేరిట లిఖించుకున్నాడు.