హీరో గా అనిల్ రావిపూడి

తెలుగు సినిమా ఇండస్ట్రీ లో వరుస విజయాలతో, వరుస హిట్‌లతో క్రేజీ దర్శకుడిగా పేరు సంపాందించిన యువ దర్శకుడు అనిల్ రావిపూడి… ఈ దర్శకుడు సూపర్ మల్టీ టాలెంటెడ్‌. ఇటు దర్శకత్వంతో పాటు అటు డ్యాన్స్‌లు చేయడం, నటించడంలో కూడా ప్రావీణ్యుడు . తన దర్శకత్వంలో రూపొందిన చిత్రాల్లో అలా తళుక్కున మెరుస్తుంటాడు.ప్రస్తుతం అనిల్‌ రావిపూడి దర్శకత్వంలో సంక్రాంతికి వస్తున్నాం అనే చిత్రం రూపొందుతోంది.

ఈ చిత్రంలో అగ్ర కథానాయకుడు వెంకటేష్‌ హీరోగా నటిస్తున్నాడు. దిల్‌ రాజు ఈ చిత్రాన్ని నిర్మిస్తున్నారు.అయితే త్వరలో అనిల్‌ రావిపూడి హీరోగా ఓ చిత్రం రూపొందబోతున్నట్లు ఫిల్మ్ నగర్లో వార్తలు తెగ చక్కర్లు కొడుతున్నాయి . మొత్తం రూ 20 కోట్ల బడ్జెట్‌తో ఆయన కథానాయకుడిగా.. ఓ నిర్మాతగా చిత్రాన్ని నిర్మించాలని సన్నాహాలు చేస్తున్నాడట. ఇందుకోసం అనిల్ కూడా గ్రీన్‌ సిగ్నల్‌ ఇచ్చాడని తెలిసింది.

అయితే గతంలో కూడా వీవీ వినాయక్‌ హీరోగా దిల్‌ రాజు ఓ చిత్రాన్ని కూడా మొదలుపెట్టాడు. శీనయ్య పేరుతో ప్రారంభోత్సం కూడా జరుపుకున్న ఈ చిత్రం అనివార్య కారణాల వల్ల ఆగిపోయింది.మరి అనిల్‌ రావిపూడి చిత్రం కూడా ఇలాగే ప్రకటనకే పరిమితమవుతుందా? లేక సెట్స్‌ మీదకు వెళుతుందా చూడాలి మరి .